افغانستان؛ محور گفت‌وگوی روسای جمهور پاکستان و تاجیکستان
روسای جمهور پاکستان و تاجیکستان طی دیداری در حاشیه نشست اکو موضوع افغانستان را محور گفت‌وگو قرار دادند و درباره آن تبادل نظر کردند.
عارف علوی، رئیس جمهور پاکستان و امام‌علی رحمان، رئیس جمهور تاجیکستان در حاشیه پانزدهمین نشست سران سازمان همکاری اقتصادی (اکو) در پایتخت ترکمنستان با یکدیگر در مورد بازسازی و تامین امنیت افغانستان تبادل نظر کردند.
امام‌علی رحمان در این دیدار اظهار داشت که تاجیکستان از اجرای پروژه‌هایی که به بازسازی اقتصادی و اجتماعی و تامین امنیت افغانستان کمک کند، استقبال خواهد کرد.
رؤسای جمهور پاکستان و تاجیکستان نسبت به گسترش روابط اقتصادی و تجاری بین دو کشور ابراز علاقه‌مندی کرده و روی تقویت فعالیت کمیسیون مشترک پاکستان و تاجیکستان در زمینه‌های سرمایه‌گذاری، مواد سوختی، ترانسپورت، انرژی و زیربنایی توافق نمودند.
همچنین روی تکمیل پروژه انتقال برق کاسا 1000 و توسعه دهلیزهای ترانسپورتی و ترانزیتی از تاجیکستان به بنادر کراچی و گوادر پاکستان مهم تأکید صورت گرفت.
