دیدار نماینده ویژه امریکا در امور افغانستان با وزیر خارجه تاجیکستان
چهارشنبه ۱۱ جوزا ۱۴۰۱
نماینده ویژه امریکا در امور افغانستان، در شهر دوشنبه با وزیر امور خارجه تاجیکستان دیدار و گفت‌وگو کرد.
خبرگزاری صدای افغان (آوا)- مانیتورینگ: سراج‌الدین مهرالدین؛ وزیر امور خارجه تاجیکستان و توماس وست؛ نماینده ویژه ایالات متحده در امور افغانستان در شهر دوشنبه باهم دیدار و گفت‌وگو کردند.
در این ملاقات وضعیت در افغانستان، مبارزه با تروریزم بین‌المللی و افراط‌گرایی و همچنان سایر موضوعات مورد علاقه دو طرف بررسی شدند.
طرفین همچنان بر ضرورت توسعه همکاری در زمینه تقویت مرزها و ارائه کمک‌های بشردوستانه به مردم افغانستان تاکید کردند.
