معاون دفتر یوناما در افغانستان با مقامات کشورهای ازبیکستان و تاجیکستان دیدار کرد
شنبه 5 قوس 1401
دفتر هیئت معاونت ملل متحد در افغانستان (یوناما) می‌گوید که مارکس پوتزل معاون این دفتر، دیدارهایش با مقام‌های دولتی در تاجیکستان و ازبیکستان را در مورد حمایت بیشتر منطقه‌ای از مردم افغانستان، به پایان رساند.
یوناما در توئیتی امروز شنبه گفت که به کار با تمام بازیگران منطقه‌ای «برای کمک به تلاش‌ها برای صلح معنادار در افغانستان» ادامه خواهد داد.
پیش از این، ولادیمیر نوروف وزیر خارجه ازبیکستان به روز جمعه در توئیتر نوشت که در گفت‌وگوهایش با پوتزل، در مورد وضعیت افغانستان و عملی کردن ابتکار برای ایجاد گروه بین‌المللی مذاکرات با حکومت طالبان، صحبت کرده است.
منبع: رادیو آزادی
