رهایی ۲۰۰ شهروند افغان از زندان‌های پاکستان
پنج‌شنبه 27 دلو 1401
قونسلگری افغانستان در شهر کراچی از آزادی ۲۰۰ شهروند کشور از زندان‌های پاکستان خبر داد.
به گزارش دفتر منطقه‌ای خبرگزاری تسنیم، قونسلگری افغانستان در شهر کراچی از آزادی 200 شهروند افغان از جمله کودکان و زنان از زندان‌های پاکستان خبر داد، گفته می‌شود افراد آزادشده از زندان‌های ایالت سند به افغانستان منتقل شدند.
قونسلگری افغانستان با بیان این‌که تعداد 170 نفر از زندان‌های کراچی و 30 نفر دیگر از زندان‌های لارکنه و سکر آزاد و به افغانستان منتقل شده‌اند، اذعان داشت: پولیس پاکستان افغان‌هایی را که سند اقامت نداشته باشند و به صورت غیرقانونی به این کشور رفته‌اند بازداشت و زندانی می‌کند.
قونسلگری افغانستان در کراچی همچنین می‌افزاید: تاکنون 1200 شهروند کشور از زندان‌های پاکستان آزاد شده‌اند. پس از سقوط دولت پیشین افغانستان، شماری از شهروندان کشور به کشورهای همسایه همچون پاکستان مهاجرت غیرقانونی داشتند.
