وزارت فواید عامه طالبان: شاهراه کابل-قندهار ترمیم می‌شود
پنج‌شنبه 4 حوت 1401
شفقنا افغانستان- وزارت فواید عامه طالبان می‌گوید، می‌خواهد که شاهراه کابل-قندهار را به‌گونه اساسی ترمیم کند.
به گزارش خبرگزاری شفقنا افغانستان، حمیدالله مصباح، سخنگوی وزارت فواید عامه طالبان امروز (پنج‌شنبه، 3 حوت) گفت که این شاهراه، در پنج بخش «چوک ارغندی-بازار دورانی، مرکز غزنی-پخ‌کنده، پخ‌کنده-شهر قلات، قلات-شهر صفا و از صفا تا مانجه» ترمیم خواهد شد.
به گفته او، کار ترمیم شاهراه کابل-قندهار، در بدل استخراج معادن با شرکت‌های ساختمانی خصوصی قرارداد خواهد شد.
شاهراه کابل-قندهار، یکی از شاهراه‌های مهم و تجارتی کشور به‌حساب می‌آید که در سال‌های اخیر تخریب شده است.
سالانه ده‌ها تن در این مسیر، بر اثر رویدادهای ترافیکی جان‌های‌شان را از دست می‌دهند.
