سراج‌الدین حقانی: امنیت مقام‌های ارشد حکومت پیشین تأمین شود
چهارشنبه ۲۲ جدی ۱۴۰۰
۸صبح، کابل: سراج‌الدین حقانی، وزیر امور داخله امارت اسلامی به نیروهای امنیتی تحت امرش دستور داده است که امنیت مقام‌های ارشد حکومت پیشین را تأمین کنند.
این مقام طالبان، روز چهارشنبه، ۲۲ جدی به مقام‌های امنیتی شهر کابل گفته است که امنیت و محیط امن را به باشنده‌گان کابل، دیپلوماتان خارجی، مؤسسه‌های خیریه، بازرگانان و مقام‌های ارشد رژیم پیشین فراهم کنند.
سرپرست وزارت داخله در حالی از تأمین امنیت مقام‌های ارشد حکومت پیشین سخن می‌زند که نظامیان دولت سابق، کارمندان دولتی و شهروندان عادی به‌گونه بی‌پیشینه‌مورد شکنجه و آزار واذیت قرار می‌گیرند و در برخی از موارد، کشته می‌شوند.
بر اساس گزارش‌های نهادهای حقوق بشری، پس از سقوط افغانستان به‌دست طالبان، بیش از صد تن از نیروهای امنیتی دولت پیشین و افراد ملکی به قتل رسیده‌اند.
