دستگیری ۲ عضو تاجیکستانی داعش در مرز افغانستان با ایران
جمعه 24 حمل 1403
یک رسانه نزدیک به طالبان اعلام کرد دو عضو تاجیکستانی داعش در مرز افغانستان با ایران دستگیر شدند.
به گزارش دفتر منطقه‌ای خبرگزاری تسنیم، یک رسانه نزدیک به طالبان گزارش داد نیروهای امنیتی هیئت حاکمه افغانستان دو شهروند تاجیکستانی عضو گروه تروریستی داعش را در ولایت نیمروز بازداشت کرده‌اند.
«المرصاد» گزارش داد: اعضای بازداشت‌شده داعش می‌گویند شهروند تاجیکستان هستند و زمانی که در روسیه زندگی می‌کردند به این گروه تروریستی دعوت شده بودند.
بر اساس این گزارش، این دو عضو داعش می‌گویند هنگامی که می‌خواستند برای آموزش نظامی و دینی به شهر کویته پاکستان بروند، توسط طالبان بازداشت شدند.
