آغاز روند اعزام حجاج به عربستان
پنج‌شنبه 20 ثور 1403
مسئولان وزارت ترانسپورت و هوانوردی می‌گویند که شب گذشته پروسه انتقال حجاج به عربستان سعودی با اعزام اولین کاروان از میدان هوایی بین‌المللی کابل آغاز شد.
خبرگزاری صدای افغان (آوا)- به گفته مسئولان وزارت ترانسپورت، قرار است امروز دومین پرواز حجاج از میدان هوایی بین‌المللی مولانا جلال‌الدین محمد بلخی انجام شود.
نورمحمد ثاقب، وزیر ارشاد، حج و اوقاف در مراسم انتقال اولین کاروان زائران افغانستان گفته است، امسال به منظور خدمت‌رسانی بهتر به زائران حج، کارکنان کمیته‌های کاری نسبت به سال‌های دیگر زودتر به عربستان سعودی اعزام شده‌اند.
