چین و تاجیکستان از ایجاد حکومت فراگیر در افغانستان حمایت کردند
شنبه 16 سرطان 1403
چین و تاجیکستان در یک بیانیۀ مشترک، از ایجاد حکومت فراگیر در افغانستان حمایت کردند. دو کشور دیروز (۵ جولای) در این بیانیه گفتند که باید در چنین حکومتی، گروه‌های مختلف قومی، مذهبی و سیاسی حضور داشته باشند.
آن‌ها همچنان تأکید کردند که افغانستان باید یک کشور مستقل، بی‌طرف، متحد، فراگیر، صلح‌آمیز و عاری از تروریزم، جنگ و مواد مخدر باشد.
چین و تاجیکستان همچنان صلح و ثبات در افغانستان را به نفع کشورهای منطقه دانسته‌اند.
بیانیۀ مشترک دو کشور در جریان سفر رسمی شی جین پینگ رئیس‌جمهور چین به تاجیکستان، پس از اشتراک او در اجلاس سران سازمان همکاری شانگهای در قزاقستان صادر شد.
رادیو آزادی
