سازمان ملل: تاکنون ۳۱۲ میلیون دالر پول نقد به افغانستان داده‌ایم
چهارشنبه ۲۰ دلو ۱۴۰۰
در ادامه کمک‌های نقدی سازمان ملل به افغانستان دیروز ۳۲ میلیون دالر به بانک بین‌المللی افغانستان تحویل داده شد.
در همین حال، رامز‌اکبروف، معاون یوناما می‌گوید سازمان ملل تاکنون توانسته ۳۱۲ میلیون دالر پول نقد را به افغانستان انتقال دهد، اما این مقدار کمک بسنده نیست.
این دیپلومات روز سه‌شنبه همراه با دیبرا لاینز، نماینده‌ویژه دبیرکل سازمان ملل در افغانستان با مولوی عبدالسلام حنفی، معاون رئیس‌الوزرا در خصوص کمک‌های بشردوستانه دیدار و معلومات ارایه کرده است.
از سویی هم، انعام‌الله سمنگانی، معاون سخن‌گوی حکومت در رشته تویتی به نقل از رامز‌اکبروف گفته که سازمان ملل معاشات کارمندان دو هزار و ۵۰۰ مرکز صحی را می‌پردازد.
منبع: تمدن
